Ic dirck van zwieten Raet mijns genadige heren van bourgondien, ende bewairze? van sijnre? trezorye van hollant

doe cond allen luyden dat Ic ontfangen hebbe vander stede van haarlem ende sij tot betalinge der ptien? tot

Cuelen vandes keysers achte verleyt heeft driehondert Rijnssche? gulden tstuck tot veertich gron? up

der porcie die sij tot der afflossinge vandes keysers achte geset sijn te genen ende sthelde der voirs.

stede van so veel quite ende allen anderen die des quitancie begoeven mit dustaniger voirwairden oft soe 

gebeurde dat alle die sake vandes keysers achte niet en volquamen, beide van absolutien of van die 

privilegien die die roemsche keyser den gemenen lande van hollant  zeelant ende vrieslant bezegelt

genen soude omen gebreke der steden ende dorpen der voirs. landen spruytende dat elc sijn porcie niet te 

borde ende brochte dat Ic dan der stede van haarlem vanden voirs. gelde doen sal gelijcken anderen steden

van hollant die oick totder voirs. betalinge een deel verleyt hebben In kennisse der wairheit soe

hebbe Ic mijn hantieken hier onder geset upten lesten dach van junio Int jair ons heren ay

CCCC zeven ende vijftich